الاجراءات تختلف باختلاف الولايات وعدد المتقديمين للاستخراج
المطلوبات :-
جديد:
١- صورة من الرقم الوطني او البطاقة القومية
٢- صورة فوتوغرافية
تجديد:
١- صورة من الجواز
٢- صورة فوتوغرافية
بدل فاقد:
١- شهادة فقدان من النيابة
٢- صورة فوتوغرافية
٣- صورة من الرقم الوطني
اقرأ المزيد
دي للكبار
الاجراءات بتبدا كالاتي :-
تجي تسلم الورق لي عسكري الفحص بعدها بحدد ليك يوم و ممكن يقول ليك تعال بعد ٣ ايام او ٥ ايام او اسبوع بعتمد على الزحمة و بعدين تجي فيهو ،، مراحل الفحص كالاتي
فحص لمعرفة اذا انت محظور او عندك اشكالية في الاسم او البيانات المدخلة في سجلات الجوازات و الهجرة
و بعدها تصديق من ٣ ضباط
أ/ رائد شرطة
ب/ مقدم شرطة
ج/ نقيب شرطة
بعدها بندهو اسمك تخش تدفع الرسوم على حسب الصف و الناس طبعا الناس كتيرة و هو شباك واحد للدفع المبلغ 131.500ج ( كاااااش )
تقسم كالاتي
120.000 رسوم جواز للكبار
11.500 رسوم ولاية سنار
الخطوة الاخيرة التصوير
و دا طبعا شغالين جهازين فقط و بكون عادةً زحمة انت و حظك بعد تدفع في ناس تاني يوم و في ناس في نفس اليوم التصوير شغال لحدي ١١ مساءاً يعني تنتظر لحق اسمك اتنده بتتصور ما اتنده تاني يوم و برضو تنتظر لحدي الدور يجيك
انا غايتو عن تجربة شخصية انتظرت من ٤ مساء بعد دفعت الرسوم و الوالدة اتصورت ١١:٣٠ مساء
طبعا دا اول يوم و كان الناس ما كتيرة شديد
اتصورت يوم ٩/٥
استلمت الجواز يوم ٩/١١
قد يعجبك ايضا