الشاب السوداني سيف الدين يقدم نصائح مهمة لحماية رقمك من الحظر على الواتساب

كيفكم يا اهلنا ان شاء الله انتو طيبين شايف في ناس كميه قاعده تستغل الناس بتفك منهم الحظر بي مقابل 4الف و5الف واكتر والكلام دا ما صاح منكم والله تستغلو الناس في ظروف زي دي او تطلبو منهم مقابل حاجات كعبه شديد مقابل الفك وهم بعملو حاجه بسيطه وانا بوضحها ليكم هسي ربنا يصلح حال البلاد ويعم بلدنا بالامن والامان يارب
1ـ اي زول محظور من الواتساب رقمو بديهو تحت طلب المراجعه يخش في طلب المراجعه وينسخ الكود دا ويكتب رقمو من 9 او من 1 طوالي بدون فواصل ويعمل ارسال
व्हाट्सएप सपोर्ट टीम, मैं आपसे मदद मांगता हूं, मेरे नंबर को अनब्लॉक करने के लिए, किसी नंबर को अनब्लॉक करना आपका कर्तव्य है, और यह आपका काम है। मुझे बहुत डर लग रहा है, इसलिए मेरी नौकरी की रक्षा करें और मेरा नंबर अनब्लॉक करें, क्योंकि यह मेरे काम, मेरी आजीविका और मेरी एकमात्र नौकरी का स्रोत है, और मैं अपनी नौकरी नहीं खोना चाहता। कृपया मेरी समस्या पर फिर से गौर करें और मेरा फोन नंबर अनब्लॉक करें। व्हाट्सएप उपयोगकर्ताओं की सुरक्षा और सुरक्षा में अपना काम पूरा करें। यह मेरा नंबर (+249) है और धन्यवाद
بعد تعمل الارسال تطلع من الواتس وتخشو من جديد كل شويه بديك تم استعادة الحساب وكدا رقمك اتفك منو الحظر خلاص وعشان ما تتعرض للحظر تاني ورقمك يقلب انتهاك مشدد او يديك تحت(تسجيل رقم جديد) لازم تتابع التعليمات دي ونمره 4 ما تركزو معاها شديد
– التعليمات لي سلامة رقمك من الهكر او الحظر.
..
1- ما ترسل اي رسالة منو الا بعد 24 ساعة.

2 – ما تدخل اي قروبات الا بعد 8 ايام.

3 – ما ترسل كتير بالزاد الصور والفديوهات.

4 – خمن كود الواتساب واعمل تحقق بخطوتين.»»» (بمعنى اوضح بعد تشغل الرقم اطلب كود الرقم من واتساب تاني ومن ثم الغي وارجع اطلب الكود لي نفس الرقم عشان ما يقدر زول غيرك انو يطلب كود للرقم ويسحبو).

5 – اتجنب تخت صوره ك خلفيه لي مده 5 ايام.

6 – اتجنب نقل الرقم خلال 24 ساعه بعد تشغيلو لي واتساب تاني.

7- ما ترسل اي رسالة لاي رقم ما مسجل في تلفونك.
تتابع التعليمات لي حماية رقمك من السحب او الحظر
..
2ـ بالنسبه للناس البجيهم رقمهم محظور وتحت مكتوب تسجيل رقم جديد الحظر تبعكم دا انتهاك مشدد وحصل ليكم كدا لانو انتو لمن اتحظرتو اول مره كتبتو تحت في طلب المراجعه شي غلط ودا السبب الخلا الحظر حقكم من انتهاك خفيف يقلب انتهاك مشدد وللاسف الشديد الشركه بقت ما بترد علي الارقام المحظوره انتهاك مشدد نهاي بسبب البلاغات الكتيره البتجيهم هناك وبسبب تكرار اكواد الفك من الواتساب الاكواد عندها فتره وبتنتهي او بمعني اوضح لمن تتكرر لي فريق الدعم تبع الواتساب كتير ما بردو علي بلاغك حتي لو بلغت من حساب gmail واحد او حتي لو بلغت من 10 تلفونات وكدا الناس ما تحاول تتعب ساي وتمش لي ناس تستغلها او تشيل منها قروش بسبب الحاجه دي والمشكله دي عالميه ما هنا بس في السودان وكدا
..
3ـ بالنسبه للناس البجيهم (تحتاج لي تطبيق واتساب الرسمي لاستخدام هذا الحساب) رقمك دا اتحظر واتفك منو الحظر وما بشتغل ليك الا علي واتساب الاعمال فقط وفي جهاز معين السامسونج فقط واي زول شغال بي جوال تاني ما ح يشتغل ليهو خالص مثلا الناس الشغاله بي هواوي وريدمي واوبو واي شركة تانيه ما عدا شركة ابل بس الايفون ديل الاتنين بشتغل فيهم
عشان تعالج المشكله دي عندك تلاته حلول
1ـ تمش لي اي بتاع برمجه تخلي ينزل ليك برنامج صوفت وير او تحديث للجوال
1ـ تغير جوالك لي سامسونج
2ـ تشوف اي جوال سامسونج جنبك تنزل فيهو واتساب الاعمال وتثبتو وتشغل فيهو رقمك ح يشتغل ليك عادي بعد يشتغل ليك الواتساب تشوف الجوال الشغلته فيهو الواتساب دا لو فيهو اسماء في الهاتف تنقلها في الشرايح وتطلع منو الشرايح يعني يكون ما فيهو ولا اسم ولا رقم
الخطوه التانيه يكون عندك واتساب اعمال في جوالك انت وتدخل علي الواتس تدخل مكان تسجيل رقمك لكن ما تكتب رقمك فوق بتلقى تلاته نقاط اضغط عليهم واعمل ربط كجهاز مصاحب ح يظهر ليك رمز مربع بعد يظهر ليك الرمز دا اول شي بتعملو ح تحول ارقامك كلها في الجوال السامسونج بعد تتحول كلها وتتاكد انها ظهرت ليك في الواتساب التاني وظهرت ليك في الحالات واي شي وتامه تخش في التلاته نقاط الفي الاعلي وتنزل تحت تخش في الاجهزه المرتبطه وتعمل ربط الجهاز وتدوس موافق ح تظهر ليك كميرا تمش تصور بيها الرمز المربع الظهر ليك في تلفونك وتستني لحدي ما الخط يكتمل وكدا بشتغل ليك عادي
بس ح تواجهك كم مشكله م ح تقدر تخت استوري ولا ح تقدر تسجل ارقام جديده ممكن تسجلها في الهاتف عادي لكن تظهر ليك الا الارقام الحولتها اول شي وما ح تقدر تغير اسمك ولا صورتك الا من الجهاز التاني السامسونج كان عايز تخلي او تسمحو منو دي حاجه بترجع ليك تاني + الحاجه دي كل 14 يوم ح تعملا انا بنصحك بالحلين الاوائل
واخر شي حابي اني انبه ليهو اي زول شغال بي واتساب بلص عمر او الذهبي اوGBاو اي واتساب بلص يحزفو وينزل واتساب للاعمال من المتجر ويشتغل بيهو لانو لو خليت اي واتساب بلص عندك ح تتحظر وح تدخلك في المشاكل دي كلها شركة واتساب ح توقف النسخ المعدله كلها بالتدريج واي زول شغال بيها الدور جايهو واللهم اني قد بلغت واللهم اشهد
واخر شي اي زول رقمو ما فك منو الحظر وبديهو تسجيل رقم جديد يعمل متابعه للحساب انا ح الغم اكواد جديده حقت فك وبنزلها في الحساب تبعي بتنزل شروحات وكدا والسلام عليكم ورحمة الله وبركاته